(வணக்கம் மலேசியா இணையத்தளத்தை நோக்கியபோது இலக்கியப்பகுதியில் படித்தவற்றில் பிடித்த கவிதை இது. அப்பால் தமிழ் நோக்கர்களுக்காக இங்கு நன்றியுடன் மீள் பிரசுரமாகின்றது)

உனது தந்தையின் இறப்புச் செய்தி
ஈ-மெயிலில் வருகிறது.
சாப்ட்வேர் சிலந்திவலைப் பின்னலுக்குள்
தகப்பன் நினைவுகளைத் தேடி எடுத்து
கொடுக்கப்பட்ட சிறு இடைவெளியில்
கொஞ்சமாய் அழுகிறாய்.
உயிர்மீட்க உதவாத உனது டாலர்களோடு
நீ வந்து சேரும்போது
எரித்த சாம்பல் கூட எஞ்சியிருக்காது.
அதனாலென்ன நண்பனே..

இறந்து போனவர்களுடன் தொடர்பு கொள்ள
ஒரு வெப்சைட் வராமலா போய்விடும்?