முத்தமிடும் காதலர்களை
பராக்குப் பார்ப்பவனைப்போல
அவாகள் என்னைக்
காண்கின்றனர்.

அவர்களின் படுக்கையறையின்
மெத்தைகளை நான் காவிச் செல்ல
இரு வீதிகளில் அவர்களின் பயணம்
தொடங்குகிறது.

மேலும் மேலும்
அவர்களின் மெத்தைகள்
மாற்றப்படுமெனின்
அவற்றைக்காவி குப்பையில்போட
அவர்கள் என்னை அழைக்கலாம்-
மணித்தியாலத்திற்கு
ஏழு யூரோக்கள் கொடுப்பார்களெனின்.

படுக்கையறையில்
மாட்டப்பட்ட படமொன்று
நிலத்தில் வீழ்ந்து
கண்ணாடி உடைந்து கிடந்தது.

அப்படத்தின் சட்டகங்களை
தாண்ட படத்திலிருந்த
இரு பறைவைகள்
பறந்து கொண்டிருந்தன.

அச்சட்டகத்தை
என் வீட்டுக்கு கொண்டுவந்தேன்
என் மனையாள் அதற்குள்
எங்கள் திருமணப் படத்தை
சொருகத் தொடங்கினாள்.
14-04-2006