Wednesday, 12 July 2006
01.
மீண்டும் மீண்டும்
புறப்பட்டுக்கொண்டேயிருக்கிறது
புகையிரதம்.
எந்தத் தரிப்பிடத்திலும்
இரண்டாம் முறை
தரிக்காத புகையிரதம்.
முன்னைய தரிப்பிடத்தில் தரித்தபோது
அதனுள்ளிருந்த நானைத் தேடுகிறது
அடுத்து வரும் தரிப்பிடத்தில்
தொலைந்து விடப்போகும் போகும் நான்.
மீண்டும் மீண்டும்
புறப்பட்டுக்கொண்டேயிருக்கிறது
தண்டவாளங்களில் நிரந்தரமாய்த்
தொலைந்து கொண்டேயிருக்கும்
புகையிரதம்.
02.
நறுமணமலர்ச்சோலை
பார்க்குமிடமெங்கும்
பரந்து பூத்திருக்க
ஒருவன் மட்டும்
இருளில் வந்த பூனை
அச்சோலையின் தூரத்து
முடுக்கொன்றில்
கழித்த மலத்தில்
மொய்த்த ஈயைக்
கண்டு மிரண்டு
கொண்டிருந்தான்.
மூக்கு வழி நுழைந்த மலமணம்
அவன் மூளைக்குள் புகுந்து
குடிகொண்டது.
03.
சிலவேளை
அகேனமாக
பெரும்பாலும்
சாத்தியமில்லாமலே
போய்விடலாம்.
சிலவேளை
எண்ணியபடியே
சரியாகவும்
அமைந்துவிடலாம்.
சிலவேளை
கண்டிப்பாக
சிலவேளை
பெரும்பாலும்
நடந்தேறுவதற்கான
வாய்ப்புகளும்
உண்டு.
சிலவேளைகளில்
அனைத்துமே
தலைகீழாகியும்
நேரிடலாம்.
சிலவேளை
அனேகமாக
எண்ணியது
சாத்தியமாகவும்கூடும்.
சிலவேளை
பெரும்பாலும்
அனேகமாக
நடக்கவும் கூடும்.
அசாத்தியம்
சிலவேளை
சாத்தியமாகும்
போலவும்
பெரும்பாலும்
தெரிகிறது.
காத்திருத்தல்கூட
இப்போ கயிற்றில்
நடத்தல் போலாகிவிட்டது.
|
;)
