இழப்பதற்கோ அடிமைவிலங்கு அன்றிவேறு எதுவுமில்லை
எடுப்பதற்கோ விடுதலையுரிமை அன்றிவேறு எதுவுமில்லை
அமைதிப்புறா பறக்கும்போது அதையழிக்கும் கழுகைவெல்ல
எமையிழக்க நேர்ந்தாலும் இணைந்திருப்போம் தோழர்களே!
தோழர்களே!.. தோழர்களே!...

ஈழம் எமது நாடுபெறும் நாள்வரையும் போரிடுவோம்!
நாளை எமது நாட்டில் நாங்கள் ஆடிப்பாடி சேர்ந்திருப்போம்..
                                                - ஈழம் எமது

உழைக்கும் மக்கள் உரிமைகாத்து
உழவும் தொழிலும் கல்விபேணி
ஏற்றத் தாழ்வு எம்ககுள் இல்லை
என்று எமது மக்கள் கூறும்..     

                                                - ஈழம் எமது

கடந்துபோன நாளில் நாங்கள் சிறையில் இருந்தோம்
நாளை நாங்கள் மரணம் காட்டும் சிறையில் இருப்போம்
இடையில் நாங்கள் பணிமுடிப்போம்
எதுவரினும் முறியடிப்போம்
ஈழம் எமது சிந்தனை
எமக்கு வேண்டும் சமன்நிலை - என்பதற்காய் ஒன்றுசேர்ந்து..
                                                          - ஈழம் எமது

இரும்பு போன்ற கரங்கள் ஒன்று சேர்வது உண்மை!
அரும்பி உதயமாகும் ஈழ விடுதலையும் உண்மை!
திரும்பி ஒடிப் பழக்கமில்லை கருவி வீழ விடுவதில்லை
வருக வருக மக்கள் திரண்டு வருக வருகவே!

ஈழம் எமது நாடுபெறும் நாள்வரையும் போரிடுவோம்!
நாளை எமது நாட்டில் நாங்கள் ஆடிப்பாடி சேர்ந்திருப்போம்..

01-04-84  சென்னை
ஈழம் இதழில் வெளிவந்தது.
இதுவரை வெளிவந்த எனது தொகுப்புகளில் இடம்பெறாதது.

இந்த ஆக்கம் பற்றிய உங்கள் கருத்துக்கள்(0 posts)