கருஞ் சக்கரங்கள் ஒவ்வொன்றும்
சிறை தகர்த்த மனித வாழ்வின்
குறியீடெனச் - சுழன்றன.

கவிதைகளின் சுழல் மையங்களெனக்
கனமேறின

காலச் சக்கர உடைவாய்
உடைந்து எறியுண்டு, சிதறுண்ட
கறுத்த சிறிய சக்கரங்கள் ஒவ்வொன்றும்
ஒளித் தரிசன உந்தலின் விளைவாயின @

உந்தி உந்திப் பயணித்த
சக்கரங்கள் ஒன்றைப் பற்றி ஒன்றாய்
இணைந்த ஓட்டக் கலகச் சுழற்சியில்
சுழன்று சுழன்று உரமேறின

வர்ணங்களில் தோய்ந்த வெளியில்
தூரிகையின் வீச்சும்
நடனமும் நிகழ்ந்தன

நாளைச் சாகா வாழ்வின்
அற்புதக் கனவுகள்
காட்சிப் புலங்களில் ஒளிகாலித்தன

உண்மையைத் தேடும்
விடுதலைக் கலகம்
வர்ணங்களிலும் பட்டயம் உருவியாயிற்று

கலகச் சுழலின் வெளி உயிர்க்கும்

09.08.2001